20-21 қараша күндері шетелдік байқаушылар еліміздегі президент сайлауына орай 20-ға жуық брифинг өткізеді. Бұл туралы ҚР Сыртқы істер министрінің орынбасары Роман Василенко айтты, деп хабарлайды ҚазАқпарат тілшісі.
17-21 қараша аралығында Астана және Алматы қалаларында «Халықаралық бақылаушылар мен шетелдік БАҚ өкілдеріне жәрдемдесу орталықтары» ашылды. Бұл орталықтар бүкіл қажетті техникалық жабдықтармен қамтамасыз етілді және Қазақстанға сайлауды байқауға келген байқаушылар брифингтер мен баспасөз конференциясы форматында өз пікірін бөлісе алатын алаң ретінде құрылды
— деді Роман Василенко Орталық сайлау комиссиясында өткен брифингте.
Оның атап өтуінше, бүгіннен бастап байқаушылар аталған орталықтарда баспасөз мәслихатын өткізіп, еліміздегі сайлауға қатысты пікірін бөлісе алады.
20-21 қараша күндері аталған орталық алаңдарында халықаралық ұйымдар мен шет мемлекет байқаушыларының қатысуымен 20-ға жуық брифинг өтеді деп жоспарланған.